Olympic pronunciation challenge for Maipi

  • Tāmaki Makaurau

He ārero tangatanga Māori e waia nei ki ngā tini hākinakina huri noa. Ā, kua riro mā Te Arahi Maipi te tūranga pou kawe kōrero matua mō ngā whakapāhōtanga o Ngā Taumāhekeheke Orimipia i Aotearoa.  Nō nā noa nei puta ai ngā āmaimai o ngā iwi taketake mō ngā kaihorohanga o ngā ingoa Māori, ingoa moutere anō hoki.  Me te aha, kei te kawea ake te mānuka o te haepapa Ōrimipia e tōna manu tātāki hou. 

Koianei te mata hou i ngā whakapāohotanga Orimipia a te hōngere o Sky.

Hei tā Maipi, “Tino hīkaka ahau kua tīpako au mō tēnei tūnga, nā runga anō i te whakaaro ko tēnei te 'Panekiretanga' o ngā mahi tākaro. Ana, kua roa nei au e whaiwhai haere ana i ngā tākaro mai i te whutupaoro, te rīki ki te mekemeke me ēna momo mea.”

I te tau rua mano tekau ma rua, neke atu i te rima tau mano tāngata i ū ki ngā whakapāohotanga Orimipia i Rārana. Ko te matapae ka pēra anō ngā nama kaimātakitaki, ā ka nui hoki te rikarika a Te Arahi ki te whakaputa i te reo ki te marea o Aotearoa. 

“I won't be translating everything into Māori. However, I will be using Māori words and phrases so viewers won't be taken by surprise. Ultimately, regardless if we are Māori or Pākehā, te reo Māori is an official language in NZ, so use it.”

Nōnatata puta ai ngā auē mo te whakahāweatanga o ngā ingoa Māori, Moutere hoki i ngā pāpāhotanga hākinakina, heoi e manako ana a Te Arahi kia tika ai tāna whakahua i ngā ingoa o ngā kaitaumahekeheke whānui o te ao.

“Mea nui tēna te whakahua tika i ngā ingoa, he mana tā te ingoa e ai ki te Māori. He mea nui tēna mō mātou, arā mō a mātou whanaunga nō ngā moutere. Arā, me pēna hoki mo mātou katoa, kia kaua e kuare mātou te kitea he pākehā te āhua rā, engari kao. Nō Wiwī, no Paniora, no ngā whenua katoa. Arā, he mana anō tā ia ingoa.”

A tūtūru e whakamahi ana ia ngā rauemi o te Pākehā hei awhina i a ia.

“Tika ana ko Youtube, taku tino hoa i tēnei wā. Arā ētahi rauemi kua hangaia mō ngā kēmu, mō ngā whakataetae o te ao. Ko te mea nui hoki kaua rawa ahau e pōhehe ki te whakamāoritia i ngā ingoa nā te mea he rerekē te reo o ia iwi. Ko tā nuinga, pēnei i a Hapani ma, you know pai tonu te whakamāoritia i te mea koina te whakahua tika. Engari ko ngā mea o Wiwī he rerekē, ko ngā mea o Paniora anō he rerekē. Ētehi āhuatanga o tō rātou reo, nō reira me tika tēra.”