Ngā kaupapa: Fitness, Kapa Haka

Ohinemutu, rōpū hōu ki ngā haka ā rohe o Te Arawa

Mere McLean
  • Waikato/Te Waiariki

Ohinemutu, ko to rātou kaiurungi ko te tama o Atareta Maxwell. Hei ko tā Ashley Douglas-Kingi, kaitātaki wahine, “he wawata tēnei na Aunty Dina ara te whāea o Inia nei, ana, ki ahau nei kua tutuki mātou, ta mātou kapa i taua wawata no reira koina kia haere tonu tātau ahakoa te aha”.

I timata ngā mahi whakarite mo tēnei kapa i te Māhuru o te tau ka huri, ā, ko ngā kaihaka, he rangatahi, he pakeke hoki. Hei tā Inia Maxwell “he pai te wairua o te whānau, te kotahitanga koira te mea nui ki roto i tēnei rōpū hōu, ko te aro kia pērā mātou i runga, i raro o te papa tū waewae”.

Ki roto i to rātou tū, he nui ngā kaupapa i whakaputahia e Ohinemutu, ko tētahi e pā ana ki te mate puku me te whakamaumahara i a Pihopa Kingi.

“Ko te haka i aro ki te mate pukupuku he nui tonu mātou kua rongo ki ngā whakawhiu o tērā mate, he pai ngā kaupapa pēnei i a 'smear your mea' nō reira ko te mate pukupuku tērā”, ki tā Maxwell.

Hākoakoa to rātou tū, ko te tumanako ka uru ratou ki Te Matatini a tēra tau.