NZ Herald rejects Māori language memorial notice

Talisa Kupenga
  • Waikato/Te Waiariki

He whakamahara i te ekenga ki te kotahi tau nō te matenga o tōna māma te hiahia a Te Atarangi Whiu i tana tono kia reo Māori tana pānui whakamaharatanga i Te Herora i tēnei wiki, engari tē whakaaetia. Ko tā te niupepa ki a ia, me whakapākeha ngā kupu, kia hāngai ki āna ture.

Koinei te wāhi i hiahia ai te whanau o Te Iria Whiu kia noho ai tō ratou panui whakamaumahara ki Te Hērora i tēnei Rāhina.

"Ko taku i taua wa kia tuku panui i roto i to ratou pepa hei whakamaumahara i to mātou māmā a Te Iria i te mea i tenei Mane kua pahure ko tona tau Kotahi,” hei tā Te Atarangi

Ko tā Te Hērora ki a Whiu ka whakairia tona panui mena ka whakapakehatia e ia nga kōrero, i te mea he tikanga kaupapa na ratou, a, ka whakairia nga kupu pakeha kaore e hiahia e ia, ā, māna hoki tera e utu.

Hei tā Te Atarangi, "Me toku whakahē ki tera i te mea moku ake, mo taku whanau ko Te Reo Maori to tatou reo rangatira, mo tenei whenua me te mea hoki kua whakaturengia taua reo I roto I nga ture nei o Aotearoa."

Whai muri iho i nga kōrero ki waenga ia Whiu me Te Hērora i haere ia ki Te Bay of Plenty Times no NZME hoki. Ko tāna ka nui to ratou tautoko i tona hiahia ā, ka panuitia te katoa i te reo Māori anake.

"Me kaha ano ratou ki nga korero kua pahotia I roto I to ratou pepa, akina I te reo. Akina to tatou reo I nga wa katoa kaua mo te wiki kotahi. He mahi ihukuri wa ratou. Me whai i nga tapuwae o Te Bay of Plenty Times.”

I tono a Te Kāea ki Te Hērora engari kaore ano kia whakahoki korero mai.