NZ Defence Force present replica medals to veteran’s whānau

  • Waikato/Te Waiariki

He tuatahitanga nā Te Ope Kātua o Aotearoa, ko te tuku mētara tārua o ngā mētara e rua nā tētahi hoia Māori o Vietnam ki tōna whānau i Mōkai Marae, i Kāwhia.

Ko te hōnore nui mō te hoia i taka, a Rūtene Kāpara, a Barry Wahanui, me ngāna mētera e hora nei i te korowai o tana matua whāngai, ko te pou pūkōrero i te Kiingitanga i tōna wā, a Henare Tuwhangai.

Hei tā te tuakana o Wahanui a Nick Tuwhangai, “E koaka ana te ngākau, kua tutuki te wāhanga ki a ia, ahakoa kāore i hoki ora mai, engari i te rā nei ko tana wairua, kua tutuki.”

He mea kawe ā-tinana atu nā te Ope Kaatua o Aotearoa mō te hoia i Witināma o te tira Whiskey tuarua.

E ai ki te Kaumatua o Te Ope Kaatua o Aotearoa a Anaru Ruawhitu Pokaia, “Kawa rawe tērā, ko te tumanako ka whakaairo ake tērā ki te ngākau, ko te tino uptake kia haere kanohi mai, kaua e tuku mā te poute, mā te ringa kē e haere ki reira.”

Hei tā Rutene Kanara o te 3/6 Battalion a Olly Te Ua, “The medals today represent his service when he was in the army, from the operational service medal through to medals from the first campaigns he served in.”

Nō te tau ono tekau mā iwa, i mate ai a Wahanui i te tukinga o tana waka, i a ia e whakatā ana i Hingapoa.  Mohoa nei i kitea ngā mētera e rua e tōna whānau, i whakahokia ki te taha o Wahanui, i hokona ki tawāhi, me ngā mētera tekau mā rua atu ka tukuna ki a ia.

E ai ki a Miki Apiti no te whanāu, “He rua ngā mētera i tāua e takato nei te tangihana ki tana taha, ka riro i te whānau, engari, kāore rātou i mōhio i pēhea ai i ngāro i hokona i aha rānei.”

Ka noho ngā mētera i raro i te manaakitanga o te whānau Tuwhangai, ā tōna wā,  whiriwhiri ai rātou ka pēwhea te whakaatu tika atu hei whakahōnore i a ia.