Nurses learn Te Reo to communicate with Māori patients

Aroha Treacher
  • Te Tai Rāwhiti

Kei te ako ngā ākonga neehi o Te Aho a Māui i Te Reo Māori, kia nui ake ai tā rātou tūhonohono ki ngā tūroro Māori. Ko te tirohanga whānui hoki, kia noho Māori ai te rongo o te reo Māori i te ao hauora.

E ngana ana ēnei tauira neehi kia tūturu te noho o Te Reo Māori ki tō rātou ao. Ko ngā kōrero mihimihi te tuāpapa o ngā akoranga, e rata ai te tūroro ki a rātou.

Hei tā Clair Rochester, he tauira neehi, “It's quite difficult from anything that I've ever tried before and I do speak other languages...and so for me, I think that's why I enjoy having a go at it. I think it is important to be able to say something, even if it's just hello, I want to be able to say it properly.”

Ko Kare Tipa te Pou Reo Māori, hei tāna, “Kua roa tātou e ako ana i Te Reo i roto i tēnei horopaki o te hauora, engari i tērā tau i whai whakaaro ētahi o mātou kia aata titiro ki te tika o te reo me te reo hei mataamua ki te hauora o te tangata.”

Kia matatau ana rātou ki ēnā kupu-kōrero, ka tīmata te ako i ngā pepeha me ngā tino kupu e pā ana ki te ao hauora.

“E ai ki ngā rangahau ko te taha ki te turoro me whakanui i tona ake reo kia pai ai, kia piki ai te orange,” hei tā Tipa.

E tumanako nui ana, he mea whakapakari ēnei pukenga reo Māori i a rātou, kia tae mai ana te wā kua tīmata rātou ki te mahi i te ao-hauora.