Kaupapa: Kapa Haka

Nō te rā nei tū ai ngā whakataetae kapahaka a ngā Kura Tuarua o Mātaatua Rohe

  • Waikato/Te Waiariki

Nō te rā nei tū ai ngā whakataetae kapahaka a ngā Kura Tuarua o Mātaatua Rohe 2015, kia kitea ko wai ka tū hei māngai mo te rohe, ki ngā whakataetae a motu hei te Hongongoi 2016 ki Heretaunga.

He pakanga whakamataku tonu ka kitea i waenga i ngā kura nei engari hei te otinga, ko te iwi Māori, ko te reo Māori, ko ngā tikanga Māori ka wikitōria.

Ko ngā Kura Tuarua o Mātaatua Rohe ērā i whakapau kaha, i whakaheke werawera kia whai hōnore ai ki ngā whakataetae a motu. Hēoi tērā ētahi i tū kotahi i te rā nei, ki te kawe i te mana o a rātou kura, o tō rātou iwi.

Tūturu he huihuinga e kitea ai te ataahua o ngā iwi tuawhenua, e rangona ai ngā mita o tēnā rohe, o tēnā rohe.

Otirā, i tēnei wiki whakanui, whakapakari, whakaora hoki i te reo Māori, me aro anō ki ngā waiata me ngā mahi a rehia hei taunaki, hei kīnaki.

Ehara i te mea kotahi anake te kapa i wikitōria engari i toa ko ngāi tāua te Māori