Ngāti Whātua o Kaipara sign development agreement

Talisa Kupenga
  • Te Tai Tokerau

Kua hainatia e Ngati Whatua o Kaipara tetahi whakaetanga whare ki te kawanatanga. He whakataunga miriona tāra te wāriu tenei mo Ngati Whatua o Kaipara. Ka hanga mai ngā whare wha rau i te whenua o Hobsonville he iwa heketea te rahi, engari e ai ki te iwi kaore ano o rātou uri e utu ana i enei whare.

Kua tāmokohia te kirimana e Ngāti Whātua ki Kaipara, ki te whakatū whare ki te iwa heketea, ki Te Whenua o Te Uru.

Hei tā Haahi Walker, te heamana, Maunga Whakahii o Kaipara, "He huarahi noa iho tenei he timatanga noa iho tenei ki te mahi tahi me te Kawana.”

He kirimana kia mahi tahi a Ngāti Whātua ki Kaipara, te Kamupene Whenua o Hobsonville, rātou ko Te Roopu Kawana Hīkina Whakatutuki (MBIE).

“Me whakatuhia whare ki runga, me hokona, ka hoki mai ano te rawa ki a matou,” hei tā Walker.

E ai ki te tumuwhakarae o Hobsonville Land Company a Chris Aiken, "We think about 80 percent will be under the Auckland median house price, about 80 percent, and of the affordable component will be about 30 percent so thats roughly 150-odd homes 170 homes."

Engari he māmā ake te utu ki a wai?

"E kore e taea i oku nei whakaaro. Te rahi o te putea i raro i tenei karangatanga 'affordable' a Te Kawana $450,000 ko tena te rahi o te affordable. Mena ka taea e matou o Ngāti Whātua, e kore e taea. E kore e taea,” hei tā Walker.

E ai ki a Walker, he nui te tautohetohe mo te whenua nei.

"I riro whenua hei mahi i nga huarahi, me nga railways, me nga kura i raro i te Public works Act. Ka riro i a ratou te whenua engari ko to ratou kirimana i waenganui i a Ngāti Whātua he painga ano mo nga uri. Kihae rawa tena i tutuki."

Ka timatahia te hanga whare hei te raumati 2017, ko nga whare tuatahi ka tū hei te 2018.