Ngāti Wai erects pou to assert tribal fishing rights

Dean Nathan
  • Te Tai Tokerau

He tohu whakahē nā Ngāti Wai ki ngā mahi a te karauna e whakarāhui nei i ngā ākau me ngā moana ki tōna rohe. Koinei te tikanga o te pou kua huraina e ngā uri maha ki Mimiwhangata.

Ko ia te tupuna matua o Ngāti Wai, kua titia e nga uri te pou o Manaia ki te whenua o Mimiwhangata.

Hei tā Aperahama Edwards, “Ko to matou hiahia kia mau tonu ia Ngati Wai ona mana ona tapu i runga i ana moana ana papa taimoana ana akau katoa ko Ngati Wai hoki he iwi moana.”

He pou tenei hei whakaara ake ano i te mana rangatira o te iwi ma te kotahitanga mai o nga whanau me nga hapu.

Hei tā Edwards, “A, ko te ingoa o te pou whenua ko Manaia hei whakamaharatanga ki to matou tupuna matua kia Manaia otira hei whakaropiropi hei paihere I nga uri maha o Ngati Wai.”

Kua ara mai tenei kaupapa i te noho tupato a Ngati Wai mo te whenua me nga mahinga mataitai ki Mimiwhangata i runga ano i tana hoha ki te maha o nga tauranga ika i to ratou ano rohe kua pokea kee e tumomo rahui a te karauna.

E ai ki a Edwards, “Ko te kotahitanga mai tenei o Ngati Wai ki te aata wero atu ki te karauna kahore ia te karauna te mana ki te rahui i o matou papa taimoana i o matou akau aa he mana whenua tenei no mai ra ano i o matou tupuna.”