E ono tau kua pahure i te whakaaetanga a te Karauna ki te mana kōkiri i ngā kereme o ngā uri o Ngāti Rehua. Heoi, e takina ana te mana kōkiri, e whakapaetia ana i rawekehia ngā whakapapa kia motukia ngā here o te haukāinga ki ō rātau whenua.
E mea ana tēnei kaitono, nā te mahi tutu me ngā whakapapa o ōna mātua tūpuna kua oti kē te tuhi hītori hōu mō te hapū o Ngāti Rehua.
Hei tā Elizabeth Bayne, Kaitono WAI 2556, “Yes our whakapapa has been re-written. There are books on the shelves in the libraries of Ngāti Rehua, of Tainui and Ngāti Wai doesn't even exist.”
Whai anō kua taka te tono a ngā rōia kia noho ohorere te taraipiunara o Waitangi nā te kaha kōtiti a te karauna mai i ōna ake anō ture mō te whiriwhiri take tiriti.
Ko tā Bayne, “Ngāti Rehua is a fictitious entity who government is using to take over our island. They don't exist they never existed.”
E tāria ana kia whakahoki kōrero mai te rōpū o Ngāti Rehua-Ngati Wai ki Aotea e Te Kaea mō tēnei tū āhuatanga. Engari whai muri i ngā tono a Ngāpuhi me Ngāti Wai i whakaaetia, koinei hoki te wā tuatoru kua tonoa ngā uri o tēnei rohe kia tirohia te taraipiunara ēnei whakaritenga a te karauna.
“I have been going up and down the country talking to the old people and I've been getting signatures from the old people of Ngāti Wai and I will continue to do that until I get my urgent hearing and then I will have my day in cour,” tā Bayne.
Aini ake nei puta mai ai te whakatau a te taraipiunara mō tēnei o ngā tono.