Ngāti Pāoa accuse Council of disregarding evidence

Talisa Kupenga
  • Tāmaki Makaurau

He pōti nā Te Kaunihera o Tāmaki e whakakore ana i te wāhanga mō ngā whenua whai mana ki ngā mana whenua mai i te Mahere Whakakotahi o Tāmaki, ahakoa nga rangahau e whakamana ana i nga pito whenua rua mano rima rau te nui.

Ko tā Ngāti Pāoa e kore aro te Kaunihera o Tāmaki ki nga taunakitanga e tautoko i te mana tiaki whenua ki te Mahere whakakotahi o Tāmaki.

Hei tā Hau Rawiri, Kaimāngai ō Ngāti Pāoa, "Ka ngarongaro haere te tuakiri te ahurea o ngai tatou te maori o Ngai matou nga mana whenua o Tāmaki."

Ko ta te IHP, me te whakapae o te Kaunihera a rohe, me whakakorea te wahanga i te mea kaore he taunakitanga hei tautoko i nga whainga. Engari he rangahau rerekē i puta i te rangahau mo te tuakiri Māori i tera tau.

E ai ki a Rawiri, "Kua wehewehe te honotanga o nga whiringa korero i waenganui i nga kaitiaki mana whenua me nga apiha o te kaunihera ki te IHP.  Kua mahi ngatahi matou kia whakatau i enei wahi no reira kaore au e mohio te take kaore e hangai a IHP ki wenei wahi.”

Kei tēnei rangahau a te Kaunihera me ngā rōpū mana whenua o Tāmaki e whakaatu ana, neke atu i te rua mano e rima rau ngā wāhi i taunakitia  i te wā i tukua te ripoata ki te IHP, hei wāhi whai mana nā ngā rangahau wāhi whenua, nā ngā mahere whenua o Google me ngā paearu whai mana, herenga hoki ki ngā mana whenua. Kaare ngā iwi i te mōhio, he aha i ihu tū atu ai te IHP me te Kaunihera ināianei ki ēnei taunakitanga kōrero.

Hei tā Rawiri, "I runga ano i tera ko to matou whakaaro me whakauru atu ano enei wāhi e ki ko nga sites of value ki roto i te mahere."

I tono a Te Kāea ki Te Kaunihera o Tamaki engari ko ta ratou me noho mū i te mea kei te whiriwhiri tonu te mahere. Ko tā Rawiri hiahia kia hui ngatahi nga mana whenua o Tamaki kia whakarite he anga whakamua mo tenei take.