Ngata's work etched in print, radio and television

Aroha Treacher
  • Te Tai Rāwhiti

He hokinga ki tōna whenua ūkaipō mō Tanara Whairiri Ki Tawhiti Ngata, he tautohito o te ao pāpāhō Māori kei te mahau o tōna tipuna a Kapohanga e tiraha mai ana i Hiruharama Marae i Ruatoria.

I haere mai ngā tāngata nō ngā tōpito o te motu ki te tuku mihi.

E ai ki a Selwyn Parata, “Ko te wairua he wairua aroha kua hoki mai te papa nei Whairiri ki tona ukaipo otira me kī kua hoki mai a Uncle Whai ki roto Ngāti Porou ki raro i te taumarumaru o tōna maunga o Hikurangi.”

I aia e tamariki ana he kōrero Māori anake i tōna kainga, he tangata matatau hoki ki te Reo Ingarahi, ngā pūkenga e taea ai te whakaotinga o ngā mahi o tōna pāpā, te papakupu o Ngata.

“He mea miharo rawa atu tērā ko ētahi atu i mua i tērā ko etahi atu papa kupu,Tikina rānei, ko te mea Wiremu engari ko tēnei nei nā tana Papa nā Hori Mahue Ngata i whakakao i ngā kupu me ngā āuatanga katoa,” hei tā Parata.

He waahi i kōnei ki te maumahara i ngā whakatutukinga o te tauira o mua nei o Te Aute me St Stephens, he mahi i te ao pāpāhō whā tekau tau neke atu.

E ai ki a Parata i tīmata ana mahi karere ki ngā mahi niupepa, “I timata tana mahi i roto i te Auckland Star ka hau atu ki te mahi reo irirangi mutu atu i reira ko te TVNZ.”

Hei te kōtahi karaka i te ahiahi āpōpō ka haria te taonga ki te okiokinga whakamutunga ki Tūranga Rāhui.