Ngaai Tahu reviving mau raakau in the South Island

  • Te Waipounamu

He tikanga tukuiho no Tuumatauenga te mahi mau raakau, heoi i tata ngaro teenei tikanga ki roto i a Ngaai Tahu. Teera te kii o teetahi kaiako e whakarauora ana i ngaa tikanga mau raakau a te wahine me te taane ki roto i te waipounamu.

Tuutaki mai ki a Amo Tamainu. Noo muri nei i rongonui ai ia me aana whanaunga i teetahi kiriata ki runga pukamata e whakaatu ana i too raatou wero i te whakapuaretanga o to raatou whare tipuna hou ki te Tai Poutini. 

Hei taa Amo Tamainu - Ngai Tahu, Taranaki “I was nervous to be honest, but it was an honour to do it because we haven't had our own marae and it was so good to finally have one of our own.”

Kua hia tau te kaiako, matua hoki o Amo e whakarauora ana i ngaa tikanga mau raakau ki roto o Ngaai Tahu. I ngaa raa o mua i tata ngaro ai teenei tikanga, heoi e ai ki a Jerry e harikoa ana kei te whai oranga anoo ngaa mahi mau rakau i waenga i ngaa wahine, haunga raa nga tane, puta noa i Aotearoa.

Ko taa Jerry Pu - Ngai Tahu, Taranaki, “It's great to be honest with you. I still think that even in other tribes and other hapuu and iwi they're still not acknowledging their waahine and a lot of them were wahine toa, but hey it's not up to me. It would be nice to see it evolve a bit more.”

I kaha koorerongia te motu whaanui mo ngaa tikanga mau raakau a ngaa waahine ki Ngaati Waewae. Heoi e ai ki eenei uri, noo mua raano te whakapono he taurite te mana o te wahine me te taane.

Hei taa Pu, “It's not about moving with the times because it's way back since Papakura who lead war parties and fought alongside her taane, Tuuhuru, and we're all descendants of them so if it's good enough back then for them it's good enough now for us.”

Caleb Robinson - Ngaai Tahu, “I don't see it as a takahia on the mana of our men I think it's a whakamana to our women and to our men as well that our women are willing to stand beside them like that. I think it just shows the unity between all the people on Te Tai o Poutini.”

E kiia ana te koorero, maa too rourou, ma tooku rourou ka ora ai te iwi. Kaore e kore ma te mana o te wahine me te taane e kore rawa teenei tikanga tukuiho e ngaro anoo.