Ngā whetu tarake o Pā Harakeke 2014

Aroha Treacher
  • Te Tai Rāwhiti

I whakanuia etahi o ngā whetu tarake o te takiwa o Pa Harakeke i te matau a maui i te whakarewanga o te maramataka Flaxmere Heroes mo te tau rua mano tekau mā wha ki te marae o Te Aranga ki roto tonu o Pa Harakeke.

Hei tā Henare O'Keefe, “Tera ngā taumahatanga ka poke i te wairua, nakona ka hinapouri te ahua.  No reira, he whakanui tēnei i ngā ahuatanga pai, hei whakatorunga i te wairua.”

I karahuihui mai ngā hoa me ngā whānau hei tautoko i o rātou tāngata me ā rātou kōrero, he kōrero hei akiaki i te hapori o Pa Harakeke.

I timata tēnei kaupapa I te tau rua mano tekau, otira, na te maha o ngā tono tuatangata ka tukuna hei kowhiringa, he mea uaua te whiriwhiri I te tokoiti ka tohua.

Ka raua atu he whakaahua me ngā kōrero whakamārama mo ia hau tipua ki roto I te maramataka nei, ka whakairihia ki ngā kainga me ngā whare pakihi kei te takiwa o te toru mano I te rohe.