Kaupapa: Kapa Haka

Ngā Whakataetae Kapa Haka a rohe o Tāmaki Makaurau 2016 - Te Waka Huia

  • Tāmaki Makaurau

Ko ngā toa o mua, a Te Waka Huia, te rōpū tekau mā tahi ki te tū i ngā whakataetae ā rohe o Tāmaki Makaurau ka tū ki te papa whakatū waewae o Vector i te rā nei.

I hūnuku te whānau Wehi, nō Waihirere, ki Tāmaki Makaurau, ā, i whakatū a Dr Ngapo Wehi rāua ko tana hoa wahine, a Pimia Wehi i te kapa nei i te tau 1981.

Ko Tāpeta raua ko Annette Wehi ngā kaiārahi o Te Waka Huia inaianei. E mōhio whānuitia ana, he kapa toa a Te Waka Huia. Kua roa rātou e angitū ana i ngā whakataetae ā-rohe, ā-motu hoki.

I te tau 1986, i uru atu a Te Waka Huia ki Te Matatini, ā, ahakoa koia tā rātou wā tuatahi i te whakataetae ā-motu, i eke te rōpū ki te tūranga tuatahi. Kua toa rātou i te whakataetae o Te Matatini e rima ngā wā.

Anei tā rātou poi, ‘Māui Tinihanga’, nā Tumanako Farrell me te whānau Wehi i tito.