Kaupapa: Kapa Haka

Ngā Whakataetae Kapa Haka ā rohe o Tāmaki Makaurau 2016 - Te Manu Huia

  • Tāmaki Makaurau

Ko Te Manu Huia te tira whakamutunga i te rā nei ki te Whakataetae Kapa Haka a rohe o Tāmaki Makaurau.

Ko te whānau Wehi ngā kaiako o tēnei kapa kei i a rātou te manako nui ki te whai tūranga ki ngā whakataetae ā motu ara ko Te Matatini hei te tau e tu mai nei. 

Ko Kingi Makoare te Kaitātaki tane, ki tōna taha hei ārahi i ngā wāhine ko  Moeahu Kerehoma. Ko te kaikōrero mo te kapa i tēnei tau ko Tawhiri Ruru.

E waru ngā taima kua tae atu a Te Manu Huia ki ngā whakataetae ā rohe ki te taha o tōna kapa tuakana, ara ko Te Waka Huia. 

Ahakoa kīhai rātou i whai tūranga ki Te Matatini i ngā whakataetae ā rohe kua pahure ake, e manawanui ana rātou ki te whai tūranga i tēnei tau. 

Kua whakaritea e Te Manu Huia ki te tuari i tā rātou Poi, 'Te Hīpoki a Tāwhirimātea', na Ngapo Wehi i tito.