Kaupapa: Kapa Haka

Ngā Uri o Tūteauru aim to revive reo through Haka Wars

By Heeni Brown
  • Te Tai Tokerau

He whakataetae a 'Haka Wars' e aro atu ana ki te whakapūmau i te reo me ngā tikanga o Ngā Uri o Tuteauru. Tokoono ōnā marae, ā, kua waiho mā te kapa haka me te mahi whaikōrero hei ara whakararata i tōnā iwi ki te ao Māori.

He tuatahitanga a Haka Wars.

Mō te hunga o Ngā Uri o Tuteauru e whakapūmau ana i ō rātou tikanga. 

Hei tā Mutunga Rameka - Ngā Uri o Tuteauru, "Koinei te wā tuatahi kua tū tēnei momo whakataetae ki konei. I muri nei i ngā tau ki muri tū te Pā Wars engari mō te hākinakina tērā, i tēnei kaupapa he whakaora i te reo Māori, whakaora i ngā taonga Māori, otirā he whakaora i ngā taonga Māori, he whakaora i ngā marae kei roto i a ia."

Tokoono ngā marae, ko Pukerata, ko Mahuri, ko Taheke, ko Otatara, ko Moehau, ko Tuhirangi ngā marae.

Ko te mahi nui, he tū ki te papa whakataetae haka ai.

Ko tā Rameka, "I heke mai tēnei whakaaro, tēnei whakataetae nā te whakaaro o te tira haka o Ngā Uri o Tūteāuru, ngā uri nō ngā marae katoa nei, otirā i tērā atu, i tēnei tau tonu i tō mātou haerenga ki ngā whakataetae a rohe koinei ngā marae e ono i manaaki i a mātou, te tiaki i a mātou. Nō reira ko tō mātou hiahia tēnei kia whakahokia tērā kia utua i tō mātou utu ki a rātou me te kii anei haramai tātou."

Me te whakataetae ki te wahanga whaikōrero.

Hei tā Te Koha Wihongi – Hineamaru, "Ko tētahi o ngā mea ka tino mau mahara ki roto i a au i roto i tēnei o ngā kāhui tangata. Ko te noho ki te whakawā i ngā kuia, kaumātua haramai tēnei āhua. Ahatia te kaha mataku o tērā mahi mō mātou ngā tamariki e ara mai nei. Haramai te āhua ki te kite i a rātou e tū ake ana ki te wero i te papa me a rātou nei kōrero."

Kahore anō kia whakatau ko wai ngā toa, ā, kahore anō hoki ngā kaiwhakahaere kia whakatau ā hea tū ai anō a Haka Wars a tērā tau.  

Tuaritia: