Ngā kaupapa: Entertainment, Matariki

Ngā Tuāhine Tokowhitu o Matariki: He whakaaturanga

updated Te Kāea
  • Tāmaki Makaurau
Matariki - photo courtesy of Stephen Chadwick

Ko te whakaaturanga 'Ngā Tuāhine Tokowhitu o Matariki', he whakakitenga kua whakaritea tahitia e te Kāhui Whare Pukapuka o Tāmaki Makaurau rātou ko ngā kaiwhakanikoniko o Soldiers Rd, arā ko Taaniko rāua ko Vienna Nordstrom.

E aro atu ana te whakaaturanga ki ngā kaimahi o ngā whare pukapuka o Tāmaki Makaurau, kia hīkaka te ako, kia aro mai te marea ki ngā kaupapa Māori, te kaitiakitanga, whakawhānaungatanga, rangatiratanga me te mana wāhine.

I ngā tau tata nei i rongonuitia ai a Soldier Rd Portraits e ngā mahi toi nei ā Taaniko rāua ko Vienna, nā te whakaatu i ngā āhuatanga ahurea o ā rāua kiritaki.

Ki roto i te whakakitenga nei, mā ngā wāhine Māori tokowhitu, he kaimahi whare pukapuka katoa rātou, e whakakanohi mai i ngā whetū e whitu o Matariki, ko aua wāhine ko:

Jennifer Barnett  - Community Library Manager, Manurewa
Jamie-Lee Kingi - Library Assistant, Botany
Lawren Matrix - Librarian Children and Youth, Matariki Clendon
Anahera Sadler - Pou Whakahaere, Māori Service Development
Tania Scurr - Librarian Children and Youth, Glen Eden
Daena Walker - Libraries Advisor Life Long Learning, Service Development 
Kirsty Webb - Team Leader, North Auckland Research Centre

Heoi, ko te Kaiwhakahaere Māori o Ngā Whare Pukapuka o Tāmaki ki te Uru, arā a Rachelle Forbes, te kaiwhakahaere pirihi o te whakakitenga.

Ko te tino wero o te kaupapa nei mā ngā wāhine anō e tuku ngā kōrero a te Māori mai i te tirohanga a te wāhine.

Hei ngā rā o 28 Pipiri - 19 Mahuru whakaatuhia ai tēnei whakakitenga ki te whare pukapuka ki Waitākere.

Anei ētahi atu pārongo mō te whakakitenga, ā, anei tētahi kōrero nō te hōtaka 'Te Iti Kahurangi: The Journey To Success' (9:10).