Nga Tohu o Te Waka Toi – Pūrongo Motuhake

Mere McLean
  • Waikato/Te Waiariki

Ko te wā tuatahi tēnei kua tū ngā taonga o Te Waka Toi ki waho atu i Te Whanganui a Tara me Tāmaki Makaurau.

Ki Te Papaiouru, ki Ōhinemutu, Rotorua ka whakanui tātau i ngā whakaihu waka o te Toi Māori.

Ko Tā Kingi Ihaka, Te Kuru o te Marama Waaka me Ngoi Pewhairangi, ngā kaiurungi i whakatū i ngā pou o Te Waka Toi, ā, e rangona ana ō rātou wairua ki taua huinga.  Ko tētahi peka nui o Te Waka Toi ko te hāpai i ngā toi Māori manu pīrere, pēnei i a Te Utanga Tautuhi.

I tēnei pō ka whiwhi a Takuta Rangimarie Turuki Rose Pere i te tohu a Tā Kingi Ihaka, he reo akiaki ia ki roto i te mātauranga, ngā whanaketanga ā-hapori me te whakarauoa i Te Reo i ngā tau whā tekau kua hori.  I tēnei tau ko te whakanui i a ia te mahi!

Mo te kaiwhakairo nei a Te Warihi Hetaraka no Ngāti Wai, Ngāpuhi me Tainui ko ia tētahi anō i whiwhi ki ngā tohu a Tā Kingi Ihaka mo āna mahi whakairo.

Tekau ngā ringa toi Māori i whakanuia ki tēnei huinga, ko te tohu matua i whakawhiwhia ki a Sandy Adsett.