Ngā raru o Te Whare Kakano

  • Te Tai Tokerau
  • Tāmaki Makaurau

Kua mutu te kirimana a te kaiako o te Whare Kakano, te wāhanga Māori o te Kura o Parakai. Kua hikitia ake te rāhui, a, e whakaae ana inaianei kia korero a kāmera mai ia ki a Te Kaea, e pā ana ki te wairua i hipokina ki runga i a ia me te kaupapa o te Reo Māori i Te Kura.

Kua puta tētahi petihana ā ipurangi hoki i te whanau, kia tūwhera tonu ngā tatau o te Kura ahakoa kua rere kē te toki ki runga i te Whare Kākano.

Ko te whakapae a tētahi kaiako o mua o te Whare Kakano, e mahi ana ki te Kura o Parakai inaianei, kua puta te wairua kaikiri.

I te marama o Hune, i puta ake te whakatau i Te Poari o te Kura, me kake te tokomaha o ngā akonga o Te Whare Kakano, ki te 18. Hei Tā Hoterini, kahore taua whakatau e tika ana i raro i ngā ture a te Tahuhu Matauranga.

Hei ta te Heamana o Ngā Maunga Whakahī o Ngati Whatua o Kaipara, Mehemea e wawata ana Te Tamati ki te ako I Te Reo Maori, I raro I Te ture, me Whakamana i te Poari te Tono Ra.

I waiho karere atu matou o Te Kaea  ki a Sean Valvoi, te tumuaki o te Kura mo te roanga ake o te ra, engari auware ake.