Kaupapa: Education

New Māori Alice In Wonderland book to capture young readers

  • Waikato/Te Waiariki

Nā te āwhina o ngā pūtea tautoko a tētahi rōpū nō Amerika i whānui ai te tuku o te whakamāoritanga a Tom Roa, arā Ngā Takahanga i a Ārihi i te Ao Mīharo ki ngā kura Māori.  Koirā te kitea i te Marae o Te Kohinga Mārama, me te whakarite kia tukuna tētahi kape ki te katoa o ngā kura reo Māori o Aotearoa.

E tōmina ana a Meg Rolleston tekau mā tahi ngōna tau me ngōna hoa ki te ruku i ngā whārangi reo Māori i te pukapuka Ko Ngā Takahanga i a Ārihi i te ao Mīharo pānui ai

“He tino pai ki ahau te pukapuka Pākehā nō reira e tino hīkaka ana ahau ki te pānui i tēnei pukapuka,” hei tā Meg.

Nō te marama o Oketopa i whakarewa ai te pukapuka reo Māori.  Ka tukuna tētehi pukapuka ki ngā kura reo Māori rua rau ono tekau mā whitu hurinoa i te motu.

E ai ki te Kaiwhakamāori a Tom Roa, “He pānui mā te hunga tamariki, tēnā pea ka mau pai rātou pēnei i au nei.  Ki tēnei ao rerekē tēnei ao, anō he ao pōrangi. Ka kitea ka rongohia e rātou te nghau o te reo.”

Nā te kaituhi na Lewis Carroll nō Ingarangi te pukapuka tuatahi i tuhi, i whakanuia tōna tau kotahi rau rima tekau i tēnei tau.  E rua mano rima rau tara Amerikana i tākohangia e tētehi mema o te rōpū Lewis Carroll ki Te Raki o Amerika, kia rere ai te pukapuka ki ngā kura Māori.

“He pai ki ahau ngā whakaaro o Lewis Carroll ki tēnei pukapuka, nā te mea, he āhua rerekē ki ērā atu pukapuka.  He tino roro koi ki ahau,” hei tā Meg.

“Ko te hiahia o te rōpū, kia takahurihia ki ngā reo o te ao, nō reira ko te reo Māori te kotahi rau mā whā pea o ngā takahuritanga ā reo o te pukapuka nei,” hei tā Roa.

Ā tērā wiki tukuna ai ngā pukapuka nei ki ngā kura reo Māori. 

Tuaritia: