Neke atu i te kotahi tau ngā taiohi o Te Kūiti kua whiwhi i a rātou raihana motuka tuarua

Wepiha Te Kanawa
  • Waikato/Te Waiariki

Neke atu i te kotahi tau ngā taiohi o Te Kūiti kua whiwhi i a rātou raihana motuka tuarua, nā tētahi kaupapa taraiwa waka ā-hapori mō ngā taone paku.

Rua rau mā rua ngā taiohi huri noa i te motu kua whiwhi i a rātou raihana nā te kaupapa nei, ā, ināianei i whiwhi te tauira tuangāhuru i tana raihana.

Ko Te Kūititanga te īngoa tūturu mō tēnei kāinga rongonui mō āna kaiheu hipi.

Heoi e whakatōngia ana ki ōna rangatahi te mate nui kia ngāio i runga i ngā rori.

Ko Te Kūititanga, Whāngarei, Tāmaki ki te tonga, Tūranganui a Kiwa, Porirua me Otautahi ki te rāwhiti ngā wāhi e raru nui nei te rangatahi ki te whiwhi raihana.

Hei tā Te Aturangi Stewart, “Ko tēnei o ngā kaupapa kua whakatūria ki roto i Te Kūititanga he mea mīharo i te mea, o ngā kaupapa pēnei horapa i te motu kua kitea te nuinga o ngā mea kua whiwhi raihana kua puta mai i konei i Te Kūititanga.”

Ā, e ai ki Te Waka Kotahi ko te hunga rangatahi tērā e kaha kitea ana ki ngā tatau aituā waka, heoi kei te hekeheke haere ērā tatau ki Te Nehenehenui.

Ki tā Te Aturangi Stewart, “Kua tino kitea te hua e ora ai ngā rangatahi i runga i ngā huarahi i a rātou e whakawhiwhia ki ngā raihana tuatahi, tuarua, akene pea tuatoru.”

Ināianei e manako ana a Waka Kotahi ka toro haere tēnei kaupapa ki hapori paku kē o te motu.