Ngā kaupapa: 28th Māori Battalion, ANZAC

Native Affairs - Te Mōrehu

Renee Kahukura Iosefa
  • Te Tai Rāwhiti

Kua nui atu i te kotahi miriona tāngata i hinga mai nei, i hinga mai rā i ngā Pakanga o Te Ao. 

He rau tau ki muri, i wehe ō tātou taitamatāne i te āhuru mōwai o te kāinga, ki te pae o te riri i runga anō i te karanga tē whakaririka o te tangata whenuatanga.

Ā, mō tētahi taurikiriki tāne Māori, he tuangahuru mā whitu te pakeke, nō Te Wairoa, he wāhi pokanoa tēnei e tuanaki atu ai ki te mātātoa, ki te mahi, ka mutu, kia kite i te ao me ōna katoa.

Hēoi anō rā, rawa tonu te poai nei i mātau ka rerekē tōna ao i tana tūtakitanga ki te taniwha weriweri nei o Pakanga.

Koinei a Te Hei Mauroa Hook, ko tētahi o ngā mōrehu o te ope mana nui Rua Tekau mā Waru.