Kaupapa: Health

Nā te iti o te puna pūtea a Ngā Tukemata o Kahungunu Charitable Trust kua rongo rātou i te taumahatanga

Aroha Treacher
  • Te Tai Rāwhiti

Nā te iti o te puna pūtea a Ngā Tukemata o Kahungunu Charitable Trust, he ratonga āwhina i te hunga hauā, kua rongo rātou i te taumahatanga.  Heoi kia kore e whakatahangia ngā tāngata rato ki te taha, kua riro mā te kaiwhakahaere a Jim Edwards hei pūkari i ōna ake pūkoro, he kotahi rau rima tekau mano tāra te nui o te moni kua tukuna e ia kia rere tonu ai te kaupapa.

Ki kōnei ki Ngā Tukemata o Kahungunu, he haumanu ā-ringa nei te mahi e whakaora ai te hunga hauā.

Nā koinei te wāhi ki te tarahiti nei, kia whakapakari i ngā pūkenga a te hunga hauā kia whai mahi rātou, engari, nā te iti o te pūtea, i whakapaua e Jim tōna ake moni kia rewa tonu te waka ki uta.

Nō te tau iwa tekau mā whā te tarahiti nei e mahi ana, he pūtea kua kitea e ratou mō te painga o te rua tekau tāngata anake, engari kua rua tekau mā rima te rahi ināianei i te nui o ēnei kēhi.

Ko tāna, me arotakengia te ara toha pūtea ki ngā kaupapa pēnei kia ora tonu ēnei momo mahi.

Kua tohua ia ki te tohu Pride o Aoteaora mō tana whakapau kaha ki te āwhina i te hunga hauā, ka mutu, hei tāna, he mahi ka koke tonu mōna, haere ake nei.