Nā ngā tauira heikura me ngā mauhere i whakarewa a BRUTHAS

Aroha Treacher
  • Te Tai Rāwhiti

Kua mahi ngātahi he rōpū mauhere taiohi me ngā tauira nō te kāreti katorika o Hato Hone i Te Matau a Māui ki te whakatū kamupene e kīa nei ko BRUTHAS. He kaupapa pakihi nō Young Enterprise Scheme.

I ngā marama e ono ki muri, i toro atu rātou ki te Wāhanga Tirohanga i roto i te Whareherehere o te Matau a Māui kia hui ai me ngā hoa pakihi ki rō whareherehere i kōnei e 17-19 ngā tau.

I te timatanga, he āwangawanga nō rātou, nō ō rātou mātua anō hoki, e mārama ana tēnā. Heoi anō, i tēnei wā, ka mihi atu ka hongi atu ki a rātou anō. He rawe, e ai ki te tumuaki o kāreti katorika o Hato Hone.

Rāua tahi kua whakarite ai tā rātou tāonga "Just Boards" he papa kai e rite ana ki te waka Māori.

I te tuatahi, he whakaaro pōrearea tēnei, ēngari ā muri ake kite ai i te painga o te whakaaro, e mea mai a tauira Rhyva Van Onselen.

He tuatahitanga tēnei, he kaupapa pakihi e pūrangiaho ai te titiro o ēnei mauhere taiohi hei whai ara kē atu i tō rātou putanga ki waho.

Hei tā tētahi mauhere, e hiahia ana ia ki uru ki te mahi rakahinonga nei mō ngā taiohi. Koira tōna whainga.

Ko rātou tētahi o ngā tira rima tekau nō Te Matau a Māui e whai wāhi atu ki te whakataetae nei.

Ko te kaupapa pakihi nei e āhei ai ngā tauira te whakatū pakihi tūturu, heoi, ka takoha ngā pūtea nō te kamupene BRUTHAS ki ngā rōpū aroha.