Na āwhā Lusi i hunuku atu ngā whkaari Māori a Polyfest

  • Tāmaki Makaurau

I tae atu te karu o te awha a Lusi ki te Tai Tokerau, a, arā āna waihotanga i kitea ao ake i te ata. 

Ki Paihia, puta ake ai ngā ratonga ohotata, ki te hapai i te hunga e noho tata ana ki ngā tai o te moana i te ra nei.

Arā te hiko i haukotia ki ngā kainga rua mano o te raki, whai muri i te haukerenga o ngā pou hiko, e ngā haukaha marangai kotahi rau rua tekau kiromita te horo, i rongohia ra ki te take o Manaia inapo.

Whakawhiti mai ki Tāmaki Makaurau i te ata nei, hakoa i whakatarewangia te wahanga mō ngā mahi a rehia a ngā iwi o Te Moana Nui a Kiwa mo te Kaupapa o Polyfest.

I whakahaere tonutia te papa whakatu waewae Māori, ki te taiwhanga o Trust i te rohe o Waitakere.

Engari ehara i te mea, i tuwhera tonu ngā tatau, mō te hunga katoa i tae a tinana atu, me te wawata kia matakitaki i o rātou tino kappa.

Pera ki te awha o waho, i haruru pai te papatu waewae i te whakaekenga o te Kareti o Kingi, koia ta ratou urunga tuatahi ki te wahanga toa, o te whakataetae Polyfest.

Ahakoa ua mai, whitinga rā mai ranei, hei ta te Kura Whakahaere i te Kaupapa, Te Wahanga Māori o Nga Puna o Waiorea ko te mea nui, kia kokiri i ngā mahi, kia oti wawe i roto i te wa, i tumanakotia.