MKR

  • Tāmaki Makaurau

Kua tapirihia tētahi mahi anō ki te rarangi mahi a Jay Wanakore rāua ko Sarah Chase, te tokorua i tae atu ki ngā tauwhiringa whāiti o te Hōtaka My Kitchen Rules. E tuhi ana ngā Ipo Haikura nei i tētahi pukapuka rarangi kai whai muri i tō rāua whai wāhitanga atu ki te hotaka rongonui nei.

E waihanga ana te tokorua Chase-Wanakore nei i ā rāua ake tikanga ki te angitūE rua tekau mā ono ō rāua tau, ka mahi rāua mā rāua anō, ā, tokotoru ā rāua tamariki.  

“We're crazy, I don't know how we do it, I ask myself every day, how do we do it? Because you know, we have three kids, got this one here, that's four kids, we just make do with what we've got,” hei tā Sarah Chase nō Ngāti Tuwharetoa.

Nō tā rāua ekenga ki ngā whiringa whāiti o My Kitchen Rules, ka puta te whakaaro kia tukua ā rāua tikanga tunu mā te katoa. E tuhi ana rāua i tētahi pukapuka taka kai, he kai Māori, he kai ora ngā kai whakauru, ā  he māmā hoki ngā utu.

“He nui nga mahi me kawea e maua, kia tutuki i tenei pukapuka, neke atu i te 100 ngā rarangi kai me tuhia, ā, me tunu hoki i ērā,” hei tā Jay Wanankore nō Waikato-Maniapoto. 

E ai ki a Chase, “Writing the recipies, it's been a challenge, but it's been fun, especially working with different types of food, and changing up recipies to suite our lifestyle.”

I tua atu i ngā mahi tunutunu, ka whakahaere ngā mātua nei i tā rāua ake whārangi ipurangi, pae pāho kōrero hoki i waenga nui i a rāua māhi i te ao pāpāho. 

“Ko etahi taimahatanga mō maua, ko te whai wā, na te mea he whānau tā māua, tokotoru a māua tamariki, nā reira ko te whai wā, ki te noho tahi ki tō rātou taha ki te mahi a whānau, hei tā Wanakore.

Ka whakamānuhia te pukapuka hou nei, a 'Sarah and Jay's Fresh Flavoursome Family Food' a te timatanga mai o te tau 2017.