Mixed reactions on new Whaikōrero app

  • Te Tai Tokerau
  • Tāmaki Makaurau
  • Waikato/Te Waiariki
  • Te Tai Hauāuru
  • Te Tai Rāwhiti
  • Te Whanganui-ā-Tara
  • Te Waipounamu

He rauemi matauranga kua rewaina ki te pae pāpori e whakaako ana me pehea te whaikōrero. E ai ki te kaihanga a William Poutu he taonga mo te hunga e kaingakautia ana ki te ako, engari kei reira ano te hunga e whakahē ana i te whakaaro.

He pumanawa rorohiko e pāhekoheko ai te whakaako i te Whaikōrero Māori e wātea ana mō te hoko ki pukamata me te ipurangi, ā, e rata ana ngā apataki.

Hei tā te Kaihanga William Poutu, “It certainly caters for a lot of different types of scenario's and learners.”

Ā, he kaupapa kōrero e hāngai pū ana i tēnei wā tonu ki te kākā wahanui Māori, taiohi mai, mātua mai.

“He mea pai mā ngā taiohi, mā ngā kaumātua mā ngā kuia anō.”

“Kāore tonu ahau mō te whakamahi, ko te whakamahi i te hinengaro noaiho.  Hei aha te whakamahi i te rorohiko, wērā mea.”

“Ki te hoko tēnei mihini ako i a tāua, e rerekē, korekau kē he kiko, korekau kē he wairua, korekau kē he reo pērā i a tāua te tangata.”

I ngā tau e rua ki muri i hangaia te hōtaka whakaako, ka mutu, i whakarewahia anō i tēnei wiki.  E ai ki te kaihanga pumanwa kei Queensland e noho ana, he wāhi whai moni hoki tēnei mā tōna whānau.

Hei tā Poutu, “Like for instance in Australia where there are so many over here that don't know their whakapapa, their tikanga, and they want to learn about just the language itself.”

E ai ki te Tumuaki o Te Wānanga Takiura o ngā KKM o Aotearoa a Tāwhirimātea Williams, “He iwi tō tēnā, he marae anō tō tēnā, he tikanga anō tō tēnā, he kawa anō tō tēnā, he reo anō tō tēnā, tō tēnā.  Ki ōku whakaaro mehemea ka hiahia te tangata ki te mōhio me pēhea te tū, i roto i te hā o tōna iwi, i roto i te wairua o tōna iwi me hoki atu anō ki tōna kainga, ki tōna ukaipō, ki reira pātaitai ai ki ōna koroua, kuia me pēhea.”

Ā tōna wā whakaputa atu ai i a Poutu tāna pumanawa rorohiko whakaako waiata mā ngā tamariki.  

Tuaritia:

Ētahi atu Northland, Auckland, Waikato/Bay of Plenty, North Island: West Coast, North Island: East Coast, Wellington, South Island