Me whakapakari ake ngā kamupene ngahere i a rātou tikanga haumaru

Mere McLean
  • Waikato/Te Waiariki

Ko te āki a te mema pāremata Māori o Te Waiariki, ko Te Ururoa Flavell, kia rere ngā panonitanga ki ngā kamupene ngahere e hua ake ai ngā tikanga haumaru. He kōrero tēnei ka whai ake i tā tētahi kamupene ngahere utu i te kotahi rau, e toru tekau mā rima mano tāra nä te matenga o tētahi o ā rātou kaimahi i te ngahere.

Rima piriona tāra te wāriu o te pūtea i hoki mai ki Aotearoa i te tau ka huri mai ngā mahi ngaherehere, heoi ano kua piki ngā tatauranga mo ngā matenga ki roto i tēnei tūnga mahi, tētahi kātahi ano kia hinga ki te tau ihu o te waka a Māui. 

Mo Te Ururoa Flavell, mema Māori o Te Waiariki e whakapono ana ia me āta titiro ki ngā kamupene e pā ana ki ngā kaupapa ā haumaru. 

Ko tā Te Ururoa. “Kia āta titiro ki ngā tikanga i oti nei i a rātou o roto i te ngahere, te whakatika i ngā tau kua hipa, me kii kia whakakīkī ngā whārua e noho wātea ana i tēnei wā, ka rua kia āta titiro ki ngā mahi a ngā kamupene, kia kore, kia kore tētahi aki, ētahi o ngā kaimahi kia pēnei rawa te mutunga.”

I tēnei wiki i whakawhiwhia ki te whānau o Robert Ruri-Epapara i te whitu tekau mano tāra mai te kamupene ngahere na te kitenga o Haumaru Aotearoa i hē te kamupene na te kore eke o rātou tikanga haumaru i te ra i mate a Robert, ono tekau mano tāra i here atu ki ngā tawewe a te kamupene, heoi ehara ko te moni te mea nui, ko te tangata ke.

I te tau kua huri tekau ngā kaimahi ngahere i mate ki tenei tūnga mahi, mo te matenga kātahi kia puta ka timata ano te kaute mo te tau rua mano tekau ma wha.