Me whakanukunuku i ngā toa hoko whakapōauau whakahihiri hinengaro

Dean Nathan
  • Te Tai Tokerau

Me whakanukunuku i ngā toa e hoko nei i ngā whakapōauau whakahihiri hinengaro.   Koinei tētahi o ngā whakaaro kei te kōkiritia e Te Kaunihera o Whangarei i roto i tētahi kaupapa mō te rohe.

Kahore anō kia puta he ture tuku mō ēnei rongo, ā, nō ngā wiki tata nei anō i hemo tētahi tamāhine ki te tiriti patata ana ki tētahi toa i muri i te kaingatanga o tēnei momo rongoā.

Iaianei kei te rapu i ngā whakaaro o te hapori o Whangarei.

Kei te kōiritia e te Kaunihera o Whangarei tētahi ture e taea ai te whakanukunuku i ngā toa hoko i ngā rongoā whakapōrangi tāngata ki te wāhi kotahi o tēnei taone me te whakaiti iho i ngā haora hokohoko.

Hei tā Solomon Tipene nō te Kaunihera, ko ētahi i tīmata ki te whakamahi i ēnei whakapōauau engari kua hōhā, ā, kua hokihoki ki ngā mea pēnei i te tarukino.

Hei te Maehe tūwhera ai te wāhanga mā te iwi o Whangarei ki te tuku i o rātou whakaaro mō tēnei kaupapa.