Me whakamau kahu kautere te tono a te ope Coast Guard

Renee Kahukura Iosefa
  • Te Tai Tokerau

Ko atu i te kotahi mano ngā kaituao e kokiri ana i te ratonga haumaru o Coast Guard Taitokerau. Ko te tono motuhake, me mau kahu kautere i ngā wā kātoa.

Hei tā David Tommas “Tahi rau toru tekau tāra te utu mō tētahi kahu kautere, hei whakahaumaru i a koe ano.”

Ko te mate ke, kaore tonu ētahi e paku whai whakāro ana ki ngā tikanga whakahaumaru e ora ai te tangata.

I tera tau tata ki te toru mano ngā waeatanga ohotata i whakautua e Coast Guard Taitokerau.

Heoi ano ko te wero nui i roto noaiho i te wiki kotahi kua hipa nei, tokowha ngā tāngata kua mate ki tai.

E ai ki a Coast Guard ko te whainga nui me whai maramatanga te hapori whanui ki ngā tikanga whakahaumaru i te tangata ki tai.