Kaupapa: Investigation

Me whakahoki pūtea Te Kura Matatini o Taranaki ki Te Komihana Whare Wānanga

  • Te Tai Hauāuru

He whare wānanga anō kua mate ki te whakahoki pūtea ki Te Komihana Whare Wānanga mō tana whakahaere i tana hōtaka a Tānerore, a Hinerēhia.

Tata ki te toru ira whitu miriona tāra te rahi o te pūtea kua whakahokia atu e Te Kura Matatini o Taranaki, he ritenga ki te āhuatanga i pā ki Te Whare Wānanga o Awanuiārangi inātata nei, mōna i whakahoki i te rima miriona tāra.

Kāti kei tā mātou karere take tōrangapū, kei a Maiki Sherman, te roanga ake o ngā kōrero. 

Mō ngā tauira mahi a Rēhia ko ngā taonga tukuiho tērā e whaia ana, heoi, inangeto nei ko ngā raru kē tērā kua tuku iho ki a rātou.

Kei te kōrero ia mō ngā whakatewhanga mō ngā kaupapa mahi a Rēhia e rua ki Te Kura Matatini nei o Taranaki.  Kāore i eke te tukunga o ngā kaupapa ki te taumata o NZQA, te taumata pūtea rānei a te Komihana Whare Wānanga.

Kua mate ināianei ngā tauira o ngā kaupapa rā ki te whakahoki i a rātou tohu. Nō reira te pātai pēnā ka utu te Te Matatini o Taranaki i ngā pūtea i utua e ngā tauira mō a rātou mahi akoako?

He tūahua tēnei i kitea i Te Whare Wānanga o Awanuiārangi inātata nei.  Ko tana kaupapa tāpoi Māori i hapa, he rima miriona taara te nama whakahoki.

Kei te haere tonu ngā whakatewhanga mō tana kaupapa mahi a Rēhia, me tērā a te tarahiti tūmataiti, Manaakitanga Aotearoa.

Kāti mā te wā kite ai ngā hua o ngā arotake o te kaupapa mahi a Rēhia ki Awanuiārangi me Manaakitanga Aotearoa.