Kaupapa: Entertainment

Me whai raihana ngā tāngata kia āhei ai rātou te tū ki ngā tiriti o Whangarei waiata ai

Dean Nathan
  • Te Tai Tokerau

Ki Te Tai Tokerau, me whai raihana mārika ngā tāngata kia āhei ai rātou te tū ki ngā tiriti waiata ai. 

Koinei te ia o tētahi ture ā-rohe hōu mō te taone nui o Whangarei.  He ture tēnei kua ara ake i te amuamu a ngā kaipakihi kei te raru rātou i ētahi o te hunga e waiata ana ki ngā tiriti. 

Koinei te mahi e whai pata me te paraoa mō tana tēpu engari e whakaae ana a Little-John Makoare ki te ture ā-rohe hōu kia whai raihana marika ai te tangata ki te waiata ki ngā tiriti.

E mea ana te kaunihera ehara i te ture whakahē i ngā tāngata tū ki te waiata ki mua i ngā toa engari he ture e aro kē ana ki te tautoko i ngā kaipakihi.

Neke atu i te rua tekau tau a Billie Te Paa e waiata ana ki ngā tiriti o Whangarei. 

Engari ehara i te mea e tautoko ana ia i te ture hōu me rapu ia te tautoko a ngā kaipakihi e toru o te takiwā hei whakamana i tana raihana pēnā e hiahia ana a ia kia waiata ki mua tonu i ngā toa mō neke atu i te toru haora i te wiki.

A muri kei ngā kaipakihi kē te mana tohu i ngā kaiwaiata tōtika mō ngā tiriti o Whangarei.