Kaupapa: Environment

Me ū te kāwanananga ki ana mātāpono e kore ai e puta hē āhuatanga kino i te mahi keri kōhinu whawhati toka

Heeni Brown
  • Te Tai Hauāuru

Me ū te kāwanatanga me āna ture, kia tūpono kore ai e puta he āhuatanga kino i te mahi keri kōhinu whawhati toka i Aotearoa nei.

Mātua rā ki te whakawhānuihia atu te momo mahi nei ki waho atu o Taranaki. Koia tā te Kaitiaki Taiao a Te Whare Pāremata i te putanga mai o tana rīpoata mō tēnei mahi i te rā nei.

Ko te mahi keri kōhinu whawhati toka e kīia nei ko 'Fracking', he take kua roa e tautohengia ana e te motu.

Ko te ripoata o te wā e aro atu ana ki te kaha o ngā ture kāwanatanga ki tēnei mea te keri kōhinu whawhati toka.

Hei tā te kaikōmihana, kāore rawa i eke ngā ture kāwanatanga keri rawa ki te tiaki i te taiao. 

E mea ana a Tākuta Jan Wright, me whakarite he tūtohinga ki ngā tuāhuatanga keri hou, me whakarite e ngā kaunihera ā-rohe he ture e pai ake ai ngā mahinga hinu.

Kei reira te hiahia kia kaua e turuturu ngā mahinga hinu, Nā, me whai tukanga e utu ai te tangata mōna tonu te taiao i tūkino. 

Mō ngā kaitiaki taiao pēnei i a Emily Bailey o Taranaki, ko te hiahia kia whakamutua katoatia kē te mahi keri whawhati toka, ā, he ngoikore rawa ēnei whakahau - ka kore rawa e tiakina te taiao.

Huri atu ana ki Te Tairāwhiti, tētahi rohe e whai take maina ana, hei tā te mema pāremata ki a Moana Mackey o taua rohe hoki,

E tautoko ana ia i ngā whakahau, engari tērā te hiahia kia whakatō marika te kāwanatanga i ēnei whakahau hei ture whai mana.

E ai ki te Minita Take Taiao a Amy Adams rāua ko te Minita Take Pūngao a Simon Bridges, ka tirohia e rāua ngā whakahau a te kaikomihana.