Kaupapa: Housing

Me rahi ake ngā whare nui kia tutuki ai i te hiahia

Mānia Clarke
  • Tāmaki Makaurau

Tērā te whakahau a ngā ratonga whare ohorere ki te kāwanatanga kia para huarahi ināianei hei haumaru i te hunga kore kāinga i te ūnga mai o te hōtoke.

Ko te whakapae ia, taihoa ake nei puta ai i te Minita Take Whare, i a Phil Twyford he huarahi whakaruruhau i te iwi nei.

E māharahara ana tētehi ratonga whare ohorere ki te tonga o Tāmaki Makaurau, tē taea ngā hiahia mō ngā whare ngāwari te utu te whakatutuki.

Hei tā te kaiwhakahaere whare o Monte Cecilia Housing Trust, hei tā Elaine Solesio e toru tekau ki te whā tēkau ngā whānau i te rārangi e tatari nei mō ngā whare.

Hei tā Solesio ko te iwi Māori me ngā whanaunga o te Moananui a Kiwa i te tonga o Tāmaki me te uru te hunga e tino pōkaikaha nei.

Kua toru tekau tau neke atu te Tarahiti o Monte Cecilia e āwhina ana i ngā whānau pōhara. E ai ki a Solesio me hanga te kāwanatanga i ngā whare he maha ake ngā rūma.

E matapaetia ana ngā ratonga whare ohorere, whērā i tēnei nā, ka rahi ake te hiahia mō ngā whare hei ngā marama e toru e haere ake nei.

E whakapae ana ka puta te whakatau a te Minita Hanga Whare a Phil Twyford me tana rautaki whare ohorere ā tērā marama.