Kaupapa: Education

Me noho tonu ngā tikanga tuari pūtea te kii a tētahi tūmuaki nō Manurewa

Taroi Black
  • Tāmaki Makaurau

He moumou wā te whakahōu i ngā tikanga tuari pūtea ki ngā kura. Koia te whakatau a Mahia Nathan, tūmuaki o Te Wharekura o Manurewa mō te whakapuakitanga a te kāwanatanga hei whakarerekē i te pūnaha. E ai ki a ia, ahakoa pēhea, ka noho tonu tōna kura ki te reanga o te rohe rawakore.

E ai ki tē tumuaki o te kura me noho tonu ngā pae whakawā i ngā kura.  

Ko tā Mahia Nathan, “Kua roa kē tēnei pūnaha o te decile system e kawe ana i roto i ngā kura mo ngā tau tekau ki te tekau mā rima tau pea. Kei te taunga haere mātou ki te āhua o tēnei o te noho o tēnei hapori. Ehara i te mea mā te decile e mōhio ai mātou he iwi pōhara mātou.”

Hei ki tā te Minita a Nikki Kaye, ko te matū o te kaupapa hou kia tuku pūtea ki ngā tamariki whakaraerae.

Heoi ano, kei te kite ake Te Kura Kōhine o Raukura i ngā hua o tēnei pūnaha.

Hei ki tā te tumuaki ā Ally Gibbons ētahi ngā mahi hē a ētahi, e anga tōtika tonu ana te kura.

He kura paeraro a Te Wharekura o Manurewa, ka whakawhiwhia ki te rua rau rima tekau ano tara ia tau mo te hunga ako.

“Mehemea ka heke ngā pūtea i roto o ngā kura o konei, kua kore mātou e tautoko i tēnei kaupapa”, te kii a Nathan.

Ki te whai pūtea anō, te kii a Gibbons, he painga tonu tērā.

Ka tātāritia ngā putea e te Tāhuhu o te Matauranga a te mutunga o tēnei tau, hei whakaritenga mo te tau ruamano tekau mā iwa.