Me mātua panoni ngā whakahaere te kōrero i Ōtangarei

Dean Nathan
  • Te Tai Tokerau

I Whangarei, me mātua panoni ngā whakahaere o te wā.

Koinei te tino karere a te hunga e tono tūranga kāwanatanga ā-rohe ana, ki te iwi i taki huihui atu ki Ōtangarei inapō, e iwa rā noa i mua i te kapinga o te wā tuku pōti.

He whānui ngā take me ngā tirohanga i horahia e ngā kaitono ki te aroaro o te iwi o Ōtangarei kua roa nei e noho puku ana. 

Mai rā anō koinei te maha atu o ngā kaitono mō te tūranga koromatua o Whangarei me te maha hoki o ngā Māori kua tū o rātou ringa mō ngā tūranga kāwana.

Kua roa kē te iwi Māori ki tēnei rohe e ngoikore ana ki te pōti engari nā ngā āki a ngā kaitono i tēnei tau e meatia ana kua oti kē i te nuinga o te hapori o Ōtangarei te tuku i a rātou pōti.  

E ākina tonutia ana te iwi kia whai reo ai rātou ki roto i ngā whakahaere o te rohe mā te tuku pōti.