Me māro te tū a te Koromatua hei kaupare ake i ngā pākinotanga o te waipiro i Tāmaki

  • Tāmaki Makaurau

Kua puta te tono a ētahi marae o Tāmaki Makaurau, kia māro ake te tū a te koromatua ka tohua aini ake, ki ngā kaupapa hei kaupare i ngā pākinotanga o te waipiro ki ngā takiwā o Tāmaki Makaurau. 

Ahakoa tonu, arā anō ngā ture a te Kāwanatanga, e whai mana ai te tokatū o ngā toa hoko waipiro huhua e tū nei ki Manurewa.

E kiia ana, he toa hokohoko waipiro kei ia piko o Manurewa.

Ki tēnei wāhi hokohoko o Clendon, Manurewa, hei tā ngā tokorua nei, i ētahi wā ka taea tonutia e rātou kei raro i te 18 tau te kaumātuatanga, te hoko waipiro.

Kua whakatakotoria e te marae o Manurewa, rātou ko ngā marae maha o Tāmaki Makaurau, te manuka, ki mua i te aroaro o te Koromatua hōu, me te whakaaraara, kia whakatiki i ngā toa hokohoko waipiro hōu ki ngā hapori, itiiti noa iho nei, te pūtea.

Hei te tuaiwa o Oketopa, kapia ake te keeti mō ngā pōti a te kowhiringa ā-rohe, ā, hei tā Rangi McClean kua puta te whakahau a ngā marae o Tāmaki, te mea tuatahi o ngā wero ka tākina.