Me kaha te tāne Māori ki te whakapakari tinana

Tema Hemi
  • Tāmaki Makaurau

He rangahau hōu e whāki nei i te pūtake o te whakāro tāne Māori mo te whakapakari tinana. Ko tā Tākuta Isaac Warbrick kōrero i whakatōmene ai ia, he aha te take kua kore he whakahihiko to te tāne Māori ki te whakapakari tinana. 

Mō ētahi me mātua ra kia whakapakari tinana ia te rā, engari mo ētahi atu anō te taumaha.

inā te tokomaha ka ārai atu te whakāro ā ko ētahi atu ka kimi kau noa.

Ko tā Tākuta Isaac Warbrick kōrero, "I timata tēnei rangahau ki Pūrehuroa engari i mutu mai ki AUT. Ko te tikanga e toru ngā tau engari e wha tau kē, ā e aro atu ana ki ngā hei mahi tika mā te tāne Māori."

He ai ki te rangahau nei ko te mahi ngātahi me o hoa tētahi ahuatanga ka āhei te tāne Māori ki te whakamahia.

Ko tāna anō, "Inā ake anō ngā take o ēnei tāne. Ko te whakarawe mo te whānau, te noho tahi me a rātou tamariki ā muri i te mahi, ko te haria atu ngā tamariki ki o rātou ake kaupapa ā e whakāro ana rātou mo a rātou whānau i te tuatahi."

He ai ki ngā rangahau a Te Manatū Hauora e rima tekau paihēneti o ngāi Māori e noho mōmona ana. 

He autaia ngā whakataukī Māori me ngā whakāro ō roto. Kei roto tonu ko ngā whakāro e whakaohooho ana kua tuituia ki roto i te whakataukī.

Anei ko tā Warbrick mo te ahua o te mēhua, "engari anō mo te mēhua i a tātou mā te taumaha me te tirohia ki tā te kōrero a te pāuna, kaore au i te mōhio i tōna tirohanga hēoi me mēhua i a tātou ki te āhua a o tātou tūpuna."

Ko te nuinga o te rangahau nei e mea ana he hiahiatanga nō rātou hei whakatauira i ngā hua pai hei painga mo a rātou tamariki.