Ngā kaupapa: Employment, Youth

Me arotake ngā kaiwhakahaere i ngā tukanga tuku mahi ki te hunga rangatahi

  • Tāmaki Makaurau

Nā Te Rōpū Whakawhanake Ohanga o Tāmaki Makaurau rātau ko Pakihi Aoetaroa me Te Kaunihera Whakauka Pakihi te karanga kia tuituia ngātahi ai ngā kaiwhakahaere pakihi hei matapaki i ngā whanaketanga o te ao pakihi kei mua. 

Kei te wero i ngā rōpū whakawhiwhi mahi kia whai whakaaro ki ngā rangatahi.

Hei tā Jody Hamilton, mā te katoa ngā whakarerekētanga e kawea.

Ko tā Atarau, "Mehemea ka tāea tātau ki te whai i te hua kotahi koina rā te hikina i ērā o ngā rangatahi ehara nei ki roto i te whai mahi ka taea tātau ki te hikina i a Aotearoa whānui."

Ki Aotearoa nei neke atu i te waru tekau mano o te hunga tekau mā rima tau ki te rua tekau mā whā tau kāre e ako ana, kāre e whakangungu ana, kāre e mahi ana. Hei tā Patrick McVeigh ko te ngako o te hui nei he wetewete i ngā huarahi e tōia mai rātau kia whai mahi.

Hei tā Patrick McVeigh, he hui tēnei hei matapaki i ngā take whiwhi mahi mō te hunga rangatahi me ngā pānga o te hunga tumatawhāiti.

He tohutohu wā Jody Hamilton ki ngā pakihi, mā te aha i te ngana.

Hei tā Atarau, "Kia mau mai tātau i ngā whakaaro hou nō reira ko te mea nui ko te whainga kia kite tātau i wā tātau reanga kātahi ka tāea tātau ki te hiki i ngā reanga e kuhu ana mai."

Ko tā Hamiiton anō, me whai whakaaro ngā pakihi ki ngā kupenga e hao ai ngā kaimahi rangatahi, haere ake nei.