Me arotahi ki te hunga e noho kāinga kore ana ki Te Mātau a Māui.

Aroha Treacher
  • Te Tai Rāwhiti

Kia kaua e huri tuara ki te hunga e noho kāinga kore ana.  Nei rā te kī a Kiri rāua ko Kevin Swannell.

I ngā tau e rua kua hori, kua tuku takoha nui rāua ki te hunga kāinga kore i Te Mātau a Māui, otira, nā te korenga o ngā kāinga ohorere ki reira, horekau he wāhi marutau mō ngāi tūtua o te hapori nei.

Ia Rāhina i te ono karaka i te pō ki Clive Square, tuku kai ai ki te hunga kāinga kore, ā, ko te kai i te pō nei, he hupa tomato.

Tata ki te whā tekau ngā tāngata kāinga kore i whāngaitia, i whiwhi hoki ki tētahi kete kai hei kai ā muri ake nei.

Ki tā ngā Swannells ahakoa kua whakapaua e te kaunihera o Ahuriri te hia tekau mano taara ki ngā kaupapa tāpoi, kua wareware kē rā te hunga kāinga kore.

He toru tekau mā tahi ngā tau o Sooty Wallis, kua roa nei a ia e noho kāinga ana ki ngā tiriti.  Kāore ia i te mōhio āhea ka kai anō ia.

Mō te kotahi tau kua ngana mārika rāua kia whakatūria ai ngā kāinga ohorere ki te rohe nei, engari, auare ake.

Heoi i tēnei wā he tuku kai tonu te mahi ia Pōhina.