Me aro tonu ki ngā tatauranga whakamomori i Kawerau

Mere McLean
  • Waikato/Te Waiariki

I te tau rua mano tekau, tekau mā toru ngā tāngata i noho ki te takiwā o Kawerau i mate whakamomori atu.  Nō taua wā, kua whai te kupenga o Kawerau i te ara hei whakaheke i tērā tatauranga, engari ko tā rātou e āki nei, e kore e mutu ngā mahi a Tama-ārero!

E rua tau ki muri i tū ake te hapori o Kawerau ki te whakamutu i ngā mate whakamomori, me te whakapae i noho tēnei āhua hei tikanga ki te takiwā.

Koinei te rā aukati i te mate whakamomori, ā, e hoki whakaaro ana te hapori o Kawerau ki te tau rua mano tekau, inā rā, tekau ma toru ngā tāngata o tō rātou takiwā, i mate whakamomori atu, heoi, i te tau kua hori, i heke tērā tatau ki te kotahi.

Hei te pō nei ka whakarewahia e Te Kupenga mō Kawerau tā rātou rautaki āwhina ki Rautahi Marae me tā rātou āki kia mau ki te tokanga nui a noho.