Me aro atu te Kāwanatanga ki ngā tāngata Aotearoa e noho mauhere ana ki Christmas Island

  • Ahitereiria
Me āta tirotiro te Kāwanatanga ki te rahi o ngā tāngata Aotearoa e noho mauhere ana ki Christmas Island, me te noho pēhea ō rātou i raro i ngā manaakitanga a ngā mana whakahaere o Ahitereiria. 
 
Koia nei te karanga a te māngai take ara poutama o te rōpu Reipa a Kelvin Davis.
 
E whakapaetia ana e whitu tekau mā rima ngā tāngata nō Aotearoa me ngāi moutere e puritia ana ki te Whare Whakaruruhau Rerenga ki Christmas Island, engari kei te wero te māngai take whakatika tangata mō Reipa a Kelvin Davis i te kāwanatangate ki te āta tirotiro i tēnei āhuatanga me te nohonga o ngaua herehere.
 
Hei tāna, “He nui ngā whakahē ki tō tātou kawanatanga, karekau rātou i te mōhio, te nama o ngāi Māori mā ki runga i taua moutere, ki roto i tāua wharehere, he aha ai rātou kua neke atu ki taua wharehere.  Nā reira, e ngoikore ana tō tātou kawanatanga hei pātai i ngā pātai tika e pā ana ki wēnei mauhere, ō tātou whanaunga.”
 
I raro i te ture hōu nō Ahitereiria i puta i tērā tau, ka whakahokia e rātou te hunga mauhere ehara nō Ahitereiria, kotahi tau te roa kua herea, ki ō rātou wā kāinga.  
 
Engari anō mō tētehi herehere Māori, ka kore ia e mate wheke, engari ka mate ururoa kē.
 
Kua whitu tau a Whakatutu me tōna whānau e noho ana ki reira, nō reira me āwhina mai te kāwanatanga o Aotearoa
 
Hei tā John Key me whai wāhi atu a Ahitereiria i ētahi atu whakamārama e pā ana ki te mahi tiaki o ngā herehere.  Wheoi, hei tā Kelvin Davis me kakama.
 
Ki tā Davis, “Me rapu rātou i ngā mōhioranga e pā ana ki wēnei tangata.  Pēhea te roa rātou e noho ana ki korā, pēhea te pai rānei o te whareherehere.”