Matatini 2017 venue confirmed

updated Aroha Treacher
  • Te Tai Rāwhiti

Kua whakaae te rōpū whakahaere o Te Matatini kia tū whakataetae o te tau rua mano tekau mā whitu ki te papa o Sports Park ki Heretaunga. He waahi ka tāea te hautu i te tini ngerongero mō tē huihuinga taiea nei.

E waru ngā whīra o te waahi nei. Tekau mā waru ngā kōti netipōro, taunga waka rima rau, me te maha ngā wharepaku wāhi horoi tinana hoki.

E ai ki te hemana o Ngāti Kahungunu Arts and Culture Board a Narelle Huata, he waimarie na ratou, “He roa te wā i mahi rātou te poari o Ngāti Kahungunu Runanga Arts and Culture Board ki te whakarite te iwi mō tēnei hui.”

Engari, ko te pai o ngā paorooro te mea hiranga, kia kore ai te taringa o te marea e raru, nā te koretake o ngā oro.

Hei tā Ngahiwi Tomoana te heamana o Ngāti Kahungunu ki a Te Kāea, “I āwangawanga rātou i te tuatahi nōtemea kāore i whakaae rātou ki a matou he waahi pai kia tū Te Matatini hei te tau, engari ka haeremai rātou, kia tirotiro ake tō rātou ake tirohanga engari i whakaae rātou he waahi pai kia tū Matatini 2017.”

Whā tekau mā rima ngā rōpū ka whakataetae, he āhua kāore kia kitea noa mai anō i te tau waru tekau mā toru, te tau i tū ai anō te hui ki Kahungunu nei.

“Mai 2005 tae noa atu ki tēnei wa ko tērā te tino moemoea o tōku pāpā a Tama Turanga Huata rāua ko tōku matua Te Rangi Huata nā rāua i kokiritia ai tēnei kaupapa, tino harikoa mātou,” says Huata.

Ko Te Matatini te ahurei kapa haka nui rawa o te ao, ka timata hei te rua tekau mā rua ki te rua tekau mā ono.