Matariki Awards 2018

Aroha Treacher
  • Te Tai Rāwhiti

Tokowhitū ngā tipua nō Te Tairāwhiti me Ngāti Kahungunu kua tohua ki Ngā Tohu Matariki o Whakaata Māori e kainamu mai ana. He hui tēnei ka whakanui i ngā whakatutukitanga a te Māori.


E noho whakaiti ana tēnei tukemata o Kahungunu i tōna kowhiringa mō te tohu Te Waitī, mō te reo me ōna tikanga.

"Ohorere katoa ahau nātemea whakaaro ana au ara noa atu te huhua o te tangata e waho rā e tika ana kia whakanuitia," tā Tātere McLeod, kaihautū reo me ōna tikanga NKII.

E iwa ngā wāhanga, e toru ngā māngai i tohua ki tōna wāhanga, waihoki ko tōna hoa tata.

"Ko taku mihi nui ki taku hoa mau roa ki taku hoa pumau ki a Paraone Gloyne ara noa atu te huhua o āna mahi i waenganui i te ao whakarauora Reo, otira ki a Waldo mā, nā rātou i whakamāori a Moana a ko tēnā kaupapa kua pā ki te ao."

E kaha hāpai ake ana te tangata nei, e toru tekau mā tahi ōna tau, ki temwhakarauora i te reo i tōna hapori whānui, otira ki tōna ake kainga hoki.

"Ko te reo Māori tōku ao koira o taku kainga koira taku mahi e mahi nei au āku mahi i waenganui i ōku iwi maha  i Te Mātāwai, i Te Kohanga Reo, nō reira ki au, ehara i te mahi."

Ka mōhio ko wai ka tohu hei te pō whakanui tuatoru ka tū ki te whare taonga o Tāmaki Makaurau hei te tekau mā whā o Hōngongoi.