Kaupapa: Environment

Maringi tonu ana te paihana 1080 hakoa te whakahē a te marea

Renee Kahukura Iosefa
  • Waikato/Te Waiariki

Mō ngā tau ono tekau kua whakaae te Kāwanatanga ko te paihana 1080 te huarahi tika hei whakarauora i ngā ngahere o Aotearoa whānui. 

Arā ngā taupatupatu a ētahi me aukati te ruiruitanga o te paihana nei, heoi tuatahi me aro mārika te iwi whānui ki te mahi nei, otirā ki ngā taha e rua o te tohe.

Ko ngā pānga o te 1080 ki ngā rongoā Māori kei rō ngahere tētahi o ngā take nui me mātua whai whakaaro te iwi Māori.

Hei tā Clyde Graff ko te raru kē ko te whakaae mai a te Kāwanatanga me ngā kaunihera ā-rohe ki tēnei momo patu kīrehe.

Hei tāna anō, “E tuku ana te kaunihera ā-rohe o Waikato i ngā whakaaetanga huna ki te maringi i te paihana 1080 i ngā ngahere me ngā kōawaawa."

Ahakoa ēnei momo kitenga, ka whakaae tonu te Kāwanatanga koinei te huarahi tika hei whakarauora i te hauora o ngā ngahere o Aotearoa.