Kaupapa: Housing

Māori residents say they will take action

  • Waikato/Te Waiariki

'Ka tahuna ō koutou whare ki te ahi.' Nei rā ngā kupu ōhiti a ngā kainoho Māori o te moutere o Matakana i Tauranga Moana, ki te hunga e hiahia ana ki te hoko whenua hei whakatū whare hōu i reira. Kei te kaha whakahē rātau te kaupapa e tū ai ngā whare hōu neke atu i te kotahi rau te maha ki ētahi whaitua ngāherehere i te moutere. 

E tōiri ana te reo whakawehi o te iwi o Matakana ki ngā rāwaho e hiahia ana ki te hoko whenua, whare hoki i konei.

Hei tā Nessie Kuka / Kainoho, “You're not welcome here. You're not welcome to build on this island.”

Kua tū ngā pihi o te iwi ki te whakatau a te kooti taiao, e āhei ana ngā whare hōu kotahi rau mā toru te hangaia i Matakana. Me te aha, e whakaohiti ana te iwi ki te tūpono whakatū whare ki konei ka tahuna ki te ahi.

Ko tā Kuka, “We're coming to a head now, so we're pretty resolute in what we say here.”

Kua hanga rori te umanga o TKC Holdings ki tētahi o ngā whaitua whakatū whare hōu. Nā te ngoikore o ngā mahi hoko rākau kei te hoko rāua ko Carrus Corporation i ētahi o ō rātau whenua paina ki runga i te moutere.

He mea kōhukihuki tēnei ki te Matakana Island Trust, he uepū nō te iwi. E rua tekau mā toru ōrau ngā hea a te uepū i roto i te umanga o TKC Holdings, ēngari kīhai ngā kaipupuri hea Pākehā e aro ki te whakahau kia kaua e hoko i te whenua, me tiaki kē.

Hei tā Kuka, “This is the biggest green space left in Tauranga Moana and our role is to keep it that way.”

I te tau rua mano tekau mā tahi ka whakakorea e te Kooti Taiao te mahere whakatū whare a Blakely Pacific. Hei te Whiringa-ā-nuku e hoki ana anō te iwi ki te kooti. Ko te tūmanako kia whai mana te moutere hei taiao ahurei, hei tiaki i a ngāi tipu me ngāi kīrehe.

Ko tā Kuka, “This is an old issue. We've gone through all of the scenarios, the good, the bad and the ugly. And 2016 we're right back there. And I must say when we do go to the Environment Court it seems to be the only place where we get to have our say and not be ignored.”

Heoi kua tukuna te kupu, ā, kei te tū mārō te iwi.