Māori Phd graduate gives thanks to her whānau

  • Tāmaki Makaurau

He rā whakahirahira te rā whakapōtae i ngā tauira Māori o Te Whare Wānanga o Tāmaki Makaurau, hei whakanui i wā rātou nā kakenga i te ara poutama o te mātauranga. Neke atu i te whā tekau o rātou kua eke nei i ngā tū kaupapa maha, ā ka whiwhi tohu Paetahi, Paerua, Tohu Kairangi hoki.

Kei raro i te mahau o Tāne-nui-ā-rangi, ka whakawhiawhi tēnei whāea, toru tekau mā tahi tōna pakeke i tāna tohu kairangi i te matū.

E ai ki tōna Mātua Kēkē a Russell Tamatea nō Ngā Puhi, Ngāti Kahungungu hoki, “Ātaahua ngā whakaaro, ki te mahi tonu, ki te mahi tonu, mahi aroha, ki te korowai o te kaihanga, ki te korowai o te wairua o ngā mātua tūpuna, whāea tūpuna, ki te korowai o ngā whānau katoa, o ngā mokopuna.”

Kua iwa ngā tau me te hāwhe ia e whai akoranga ana, wheoi, ehara tana toa i te toa taki tahi, engari, he toa taki tini.

“I wouldn't have been able to do it without my whānau.  Especially my mum and dad, who held my hand through the whole thing.  And the rest of my whānau who gave me the ego boosts when I needed it,” says hei tā tākuta Leonie Jones.

Koinei te kaupapa tino ki runga i te wātaka o Ngā Tauira Māori o Te Whare Wānanga o Tāmaki, ki te whakatairanga i ngā tauira kua angitū me ō rātou whānau.

E ai ki tētahi Tumuwhakarae kei te Te Wānanga o Waipapa a Hone Sadler, “He rerekē kē tēnei āhuatanga i tā te mea e mahitia ana e Te Whare Wānanga nunui mō ngā pōtaetanga.  Tēnei rā, he whakanui ai i ngā whānau, he whakanui ai i ngā hoa mahi, i ngā kaiāwhina i   a rātou ki a puta.” 

He tekau ngā tauira ka whakawhiwhia ā rātou tohu paerua, e toru tekau mā rua ngā ākonga ka riro i ā rātou paetahi.

Hei tētahi papa o ngātauira I whiwhi tohu a Bernard Te Paa, “Ia wā, ia wā kua kite kei runga i ngā pouaka whakaahua, ērā mea kino mō ngāi Māori, he mea ki te hiki mai te tirotirohanga o ngāi Māori i roto i ngā whatu katoa, hurinoa i te motu.”

Ākuanei ka tīmata a Leonie i ngā mahi rangahau ki te whakaora i te awa o Waikato ki tōna mana i ngā wā o mua.