Māori MPs support overhaul of family violence laws

Talisa Kupenga
  • Te Tai Tokerau
  • Tāmaki Makaurau
  • Waikato/Te Waiariki
  • Te Tai Hauāuru
  • Te Tai Rāwhiti
  • Te Whanganui-ā-Tara
  • Te Waipounamu

Kei ngā maunga whakahī huri noa, tēnā koutou katoa. He mahere tā te kāwanatanga hei rongoā i te mate tūkino whānau, e nui ake ai te tautoko ki ngā parurenga, ā e hangaia ai hoki ētahi hara hōu mō te mahi tūkino.

"All New Zealander's wish family violence did not happen,’ says Key.

E hura mai ana te Pirimia i te mahere a te kāwanatanga hei rongoā i te mate tūkino whānau ā ngā tau e wha e heke mai nei. He kotahi rau, e toru tekau miriona tara te utu.

"The sooner we stop it the better chance we have of lives being saved and injuries being avoided."

He whakatau e whai ana i ngā tau e rua e arotakehia ana ngā ture tūkino. Neke atu i te rima tekau ngā āhuatanga rereke ki te ture tūkino whānau o te wā, ā ko te tikanga ia, kia moata tika ai te tauārai atu.

Hei tā te Mema Paremata o te Rōpū Reipa a Kelvin Davis, “Mo te tarona tata mate, ara ko te non-fatal strangulation he kaupapa nui tenei ki roto i nga whanau. Engari ko te kawanatanga kei te kawe ratou tera kaupapa ki roto i tenei pire na reira harikoa ana ahau ki te kite i tena."

E matapae ana te kawanatanga, mā ngā rereketanga ki ngā momo hara me ngā mana haumaru e heke iho ai ngā mahi tūkino whānau mā te rua mano, e toru rau.

E ai ki te Minita Whanaketanga Māori a Te Ururoa Flavell, “Ahakoa kotahi te wahine, kotahi te tamaiti i tona mutunga me whakamutua atu i tenei ahuatanga ki waenganui ia atatou."

Ka tae atu ngā pirihimana ki te kotahi rau me te tekau mano mahinga tūkino whānau ia tau. He rua hau toru o ēnei, ko ngā tamariki kei reira.

"Ko te mea nui, wenei mea kei roto roto i tenei pire he huarahi hei whawhai tenei mate kei roto i o tatou whanau. E tino tumanako ai ka heke nga tatauranga,” hei tā Davis.

Ko te whiringa tuatahi o ngā ture whakatinana i ēnei whakahōutanga e matapaetia ana ka whakatakotoria ki rō pāremata hei te ihu o te tau e tū mai nei. 

Ētahi atu Northland, Auckland, Waikato/Bay of Plenty, North Island: West Coast, North Island: East Coast, Wellington, South Island