Manurewa Marae open their doors to homeless next week

updated
  • Tāmaki Makaurau

Hei tēra wiki ka tuwhera nga tatau ki te marae o Manurewa mo te hunga kainga kore. 230 nga hāpai-ō e timata ana i nga mahi Whakapiki Ora. 

E ngana ana a Duneara Waters me Ina Paraone-Meinata ki te mahi i te mahi.

Hei tā Ina Paraone Meinata no Ngāti Whātua, “I'm ready to go, there's nothing that I can't do and I'm willing to do, you know, I'm just ready, very very ready.”

E ai ki a Duneara Waters (Ngāpuhi), “Our people need help, they need to get their homes and our tamariki, it's not good out there in the cold.”

Hei tā te māngai o Whakapiki Ora aTunuiarangi McLean,”E whakarite ana ki ngā ture mō te whakahaere i te kaupapa nei, e whakarite ana ki ngā kaupapa here ki waenganui i te marae, ki waenganui i a rātou, ki waenga hoki i ngā tari kāwanatanga.”

E ai ki a Ina Paraone Meinata no Ngāti Whātua, “I'm here for our children because they're our future and I just love our people I love everybody, and with everyone coming together and to help those that need help i'm sure we going to achieve, what we need to achieve.”

Kua tekau wiki te marae o Manurewa e whakariterite ana ki te whakatāwharau i te hunga kainga kore, ā, e mānawa ana rātou ki te hiki i te mānuka, nā te marae o Te Puea i takato.

Hei tā Tunuiarangi McLean, “E mihinui ana ki a rātou, i tīmata ai tēnei o ngā kaupapa, i runga anō i ngā ōati o te tipuna o tō tātou Kiingi Māori o te motu, a Kiingi Tuheitia, a Te Puea.  Nāna tērā o ngā kaupapa i whakaarahia ake, e kawe nei e mātou i tēnei rā.”

E rua ngā huarahi āwhina o Whakapiki Ora, ara, Pō Mārie, hei whakaruruhau i ngā tāngata ono tekau mā waru te noho mō te pō, mai i te haurua i te rima o te ahiahi pō ki te haurua i te waru karaka o te ata. 

Tuarua, ko ngā Whare Hikawe hei āta manaaki i ngā whānau e rima mō te wā poto, ao pō, pō ao.

Kāore e roa, e ai ki ngā kaiwhakahaere, ā tē Rāhina whakapūare tūturu ai ngā tatau o te marae ki te manaaki i ngā tāngata iwa tekau mā waru te tokomaha. MC TK