Manurewa and Hoani Waititi marae follow Te Puea’s lead

  • Tāmaki Makaurau

Kei te whakakotahi ētahi marae i Tāmaki Makaurau ki te āwhina i ngā whānau e noho ana ki Te Puea marae. Nō te tuwherahanga o ngā kuaha o te marae i te kotahi wiki ki muri, e whā tekau ngā whānau kua noho ki reira. Ināianei kua ara ara ake hoki a Manurewa me Hoani Waititi ki te amo i te kaupapa.

I tae atu te Wharekura o Hoani Waititi ki te mauria tō rātou hā ki mua i te aro o ngā whānau korekainga, i raro i te maru o te marae o Te Puea.

E ai ki a Hurimoana Dennis te māngai o Te Puea Marae, “Mauri Ora, he tikanga kē tēnā, he roimata, he tangi.  Koinā te ao Māori, kei raro i te whakangahau, te kōrero tawhito o tō tātou nei tūpuna, ngā waiata, ngā katakata, haka.”

Kua roa nei a Manurewa marae e toha kai ana ki nga whanau e toimaha ana, inaianei ka tuwhera te wharenui ka whanui ake ngā ratonga āwhina.

Hei tā Tūnuiarangi McLean, he mema poari o Manurewa Marae, “Kei a mātou o te marae o Manurewa, ngā tākuta, te kura, wērā āhuatanga me ngā kaupapa o te whānau ora, kei reira e whakahaerehia ana.”

“Tautoko ake, he tino ngākau mātou te whānau, nā te mea ko tērā te tū a Manurewa,” hei tā Dennis.

Ko ngā kai o te parakuihi, tina me te hapa ngā kai ka tunua ia rā ia rā, ko ngā kai katoa kua tohaina e te hapori me ngā kamupene, rima tekau ngā tāngata ka tae ia rā ia rā ki te āwhina atu.

Ināpō i whakatū i te marae te whārangi "Give a Little", ā, koatu i te toru mano tara kua kohatia i tēnei wā, engari e kimi ringa raupa tonu ana ratou.

Hei tā Dennis, “Ko te pīrangi o mātou ko ētehi more logistics, ngā tunu kai, ngā tents, marquees.”

E inoi atu ana te marae ki te Ope Kātua o Aotearoa ki te āwhina, kia haere tonu ai i ngā hui o te marae.